minggu lalu itu memang minggu paling berat for kita.
mulai dari kita pe pengunduran diri dari 'sesuatu' yang serta belakangan kita tahu, kita boleh dapa hasil yang terbaik.
Abis itu olimpiade. memang sih, kita tau dang kalo kita nda mungkin lolos karena so nda serius. mar kiapa sto, kita masih rasa kecewa :(
Abis itu tu lomba CBP. Oh, Tuhan :( ini komang memang kita kecewa skali. ini lomba ini yang kita so tunggu-tunggu selama 3 tahun for mo kita selesaikan, ternyata masih dicurangi juga.
kong terakhir, tu lomba CCA. memang langsung ta curah di tampa kwa kita. kiapa dang, samua rasa nda adil pa kita? Apa Tuhan so mulai marah pa kita lantaran kita belum bisa jadi anak baik? ato apa dang?
Sekarang kita masih dalam tahap pemulihan diri. so talalu kecewa kita, sampe-sampe so nintau mo lampiaskan bagimana.
semoga minggu-minggu berikut lebe bagus dari minggu lalu :)
